डेब्यु खेलमै बंगलादेश पराजित

काठमाडौं। बंगलादेश एएफसी महिला एसियाली कपको डेब्यु खेलमै पराजित भएको छ।

समूह चरणअन्तर्गत मंगलबार वेस्टर्न सिड्नीमा सम्पन्न खेलमा डिफेन्डिङ च्याम्पियन चीनसँग २–० ले पराजय बेहोरेको हो। दुबै गोल पहिलो हाफको अन्त्यतिर भएका थिए। चीनसँग बंगलादेशले रक्षात्मक खेल खेलेको थियो। त्यसैले धेरै अवसर सिर्जना गर्न सकेन।

पहिलो हाफमा अधिकांश समय बल चीनको नियन्त्रणमा रह्यो। तर, पिटर बटलरको टोलीले आफ्नै क्षेत्रमा राम्रोसँग खेल्यो र गोल भने पहिलो हाफको अन्त्यसम्म बचाए। यद्यपि, खेल सकिन केही समय बाँकी छँदा मात्र दुई गोल खाएर बंगलादेश पराजित भयो।

४४औं मिनेटमा वाङ सुयाङले बक्स बाहिरबाट प्रहार गरेको बल गोलमा परिणत भयो। त्यसको दुई मिनेटपछि चीनकी मिडफिल्डर झाङ रुईको शट बंगलादेशकी डिफेन्डर ओहाती किस्कुरको खुट्टामा लागेर गोल भयो। खेलको अन्त्यमा चीनले अझ एक गोल गर्ने अवसर पाएको थियो। तर, त्यो अवसर गुमायो।

दोस्रो हाफमा चीनले आक्रमण जारी राख्यो तर गोल गर्न सकेन। बंगलादेशको अर्को खेल शुक्रबार उत्तर कोरियासँग खेल्नेछ।