ओलम्पियन वैकुण्ठ मानन्धर सम्मानित

काठमाडौं। कीर्तिमानी धावक तथा ओलम्पियन वैकुण्ठ मानन्धरलाई सम्मान गरिएको छ। उनलाई मंगलबार सम्मान गरिएको हो। यो सहकार्य नेपालको पुरानो साइकल पसल प्यानक बाइकले गरको हो। योसँगै प्यानक बाइकले लिमिटेड एडिसन साइकल सार्वजनिकसमेत गरेको छ।

प्यानक बाइकले १०० वर्ष पुगेको अवसरमा मानन्धरको खेलकुदप्रति अथक समर्पण र प्रेरणादायी उपस्थितिको कदर गर्दै प्याङ्क कस्टम बैकुण्ठ मानन्धर २:१५:०३ लिमिटेड एडिसन नामक साइकल सार्वजनिक गरेको छ। यस एडिसनका लागि मानन्धरलाई सद्भावना दूतसमेत नियुक्त गरेको छ।

२ घण्टा १५ मिनेट ३ सेकेन्ड मानन्धरले सन् १९८७ को दक्षिण एसियाली खेलकुद (साग) मा म्याराथनमा बनाएको कीर्तिमान हो। यो कीर्तिमान अहिलेसम्म पनि नेपाली म्याराथनको लागि स्वर्णिम मानिन्छ। यो कुनै पनि धावकले कीर्तिमान कसैले भंग गर्न सकेका छैनन्।