लन्डन म्याराथनमा सन्तोषीको नयाँ राष्ट्रिय कीर्तिमान

काठमाडौं। नेपाली धाविका सन्तोषी श्रेष्ठले लन्डन म्याराथनमा नयाँ राष्ट्रिय कीर्तिमान बनाएकी छन्।

निर्धारित दूरी २ घन्टा ४२ मिनेट ५० सेकेडमा उनले पूरा गरेकी हुन्। सन् २०२४  जनवरीमा भएको बंगबन्धु ढाका म्याराथनमा स्वर्ण जित्दा उनले राष्ट्रिय कीर्तिमान पनि बनाएकी थिइन्। त्यो २ घण्टा ४६ मिनेट २३ सेकेन्ड थियो । उनको यो डेब्यु म्याराथन थियो। 

उनले गत वर्ष फ्रान्सको राजधानी पेरिसमा सम्पन्न ओलम्पिकको म्याराथनमा समेत सहभागिता जनाएकी थिइन्। तर, उनले निर्धारित दूरी २ घन्टा ५५ मिनेटमा पूरा गरेर खराब कीर्तिमान बनाएकी थिइन्। उनी ७९ औं स्थानमा रहिन्। उनीभन्दा पछाडि भुटानकी किन्जोड ल्हामु रहेकी थिइन्।