खुला टेबलटेनिस सोमबारदेखि

काठमाडौं। मदन भण्डारी स्पोर्ट्स एकेडेमीको आयोजनामा दोस्रो राष्ट्रिय खुला जुनियर तथा भेट्रान टेबल टेनिस प्रतियोगिता सोमबारदेखि हुने भएको छ।

प्रतियोगितामा जुनियरमा चार तथा भेट्रानमा तीन गरी सात स्पर्धामा प्रतिस्पर्धा हुने प्रतियोगिता संयोजक धर्ममान वज्राचार्यले जनाएका छन्। जुनियरको यु–१५ तथा यु–१९ मा पुरुष/महिला सिंगल्समा खेल हुनेछ।

भेट्रानमा ४० वर्षमाथि, ५० वर्षमाथि र ६० वर्षमाथि पुरुष सिंगल्स स्पर्धा समावेश छन्। करिब २५० खेलाडीको सहभागिता अपेक्षा गरिएको संयोजक धर्ममान वज्राचार्यले जनाएका छन्। एक खेलाडीले एउटा इभेन्टमा मात्र प्रतिस्पर्धा गर्न पाउने छन्।

हरेक स्पर्धामा शीर्ष तीन स्थान हात पार्ने खेलाडीले क्रमशः १० हजार, पाँच हजार र दुई हजार पाँच सय नगद पुरस्कार प्राप्त गर्ने छन्। चैत २८ गतेसम्म चल्ने प्रतियोगिताका खेलहरु लैनचौरस्थित राष्ट्रिय टेबलटेनिस प्रशिक्षण केन्द्रमा हुनेछ।