काठमाडौं । प्रधानमन्त्री केपी शर्मा ओलीले एक दिवसीय सिरिज बिजेता नेपाली टोलीलाई बधाई दिएका छन् । सामाजिक सञ्जाल ट्वीटरमार्फत प्रधानमन्त्री ओलीले एक दिवसीय क्रिकेट श्रृङ्खला जित्दै नेपाललाई गौरवशाली सफलता दिलाएको भन्दै नेपाली राष्ट्रिय क्रिकेट टिमलाई बधाई दिएका हुन् ।
प्रधानमन्त्री ओलीले अन्तराष्ट्रिय क्रिकेटमा प्राप्त सफलताले विश्व खेल जगतमा नेपाल उदीयमान शक्तिको रुपमा देखिएको भन्दै खेलकुद क्षेत्रको विकासमा सरकारले थप ध्यान दिने बताए ।
नेपालले हिजा तेस्रो तथा अन्तिम खेलमा युएईलाई हराउँदै तीन खेलको एक दिवसीय श्रृङ्खला हात पारेको थियो । एक दिवसीय राष्ट्रको मान्यता पाएपछि नेपालले पहिलो पटक सिरिज हात पारेको हो ।
-1736575369.jpg)
