काठमाडौं। विश्व पारा एथलेटिक्स ग्रान्ड प्रिक्समा लङजम्पमा रजत पदक जितेकी प्रभा आङदेम्बे शुक्रबार स्वदेश फर्किएकी छन्।
भारतको नयाँ दिल्लीस्थित जवाहरलाल नेहरु स्टेडियमा मार्च ७ देखि १३ तारिखसम्म भएको प्रतियोगितामा प्रभाले टी– ४७ क्याटगोरीको महिला लङजम्पमा स्वर्ण जितेकी हुन्।
उनले ३.९६ मिटर जम्प गर्दै रजत जितेकी हुन्। प्रभाले लङजम्पसहित २ सय र ४ सय मिटर दौडमा पनि सहभागिता जनाएकी थिइन्।
प्रभासहित नेपालबाट ६ खेलाडी सहभागी थिए। पुरुष ४ सय मिटर दौडमा नवराज कार्की र गोविन्द गिरी, सटपुटमा हिमाल अर्याल र फणिनारायण पौडेल तथा डिस्कस थ्रोमा राजु गुरुङले प्रतिस्पर्धा गरेका थिए। गोविन्दले ज्याभ्लिन थ्रोमा पनि खेलेका थिए।
