काठमाडौं । अंकितमान श्रेष्ठले कोलम्बोमा सम्पन्न तेस्रो सार्क स्नुकर च्याम्पियनसिपमा कांस्यपदक हात पारेका छन् ।
यससँगै उनी अन्तर्राष्ट्रिय स्नुकरमा पदक जित्ने पहिलो नेपाली बनेका छन् ।
मुर्स स्पोर्ट्स क्लबमा आयोजित च्याम्पियनसिपमा अंकितले नकआउट चरणमा श्रीलंकाका सुसन्था बोथेजुलाई निर्णायक फ्रेममा पराजित गर्दै ४–३ को जितसहित सेमिफाइनल यात्रा तय गरेसँगै ऐतिहासिक पदक पक्का गरेका थिए । त्यसपछि उनले सेमिफाइनलमा पनि श्रीलंकाली खेलाडी थाहा इसारथको सामना गर्नुपर्यो, जसमा ३–५ फ्रेमको हार बेहोरेपछि अंकित कांस्यमै रोकिएका हुन् ।
नेपालको अन्तर्राष्ट्रिय स्नुकरमा १८ वर्षयताकै पहिलो पदक जितेका अंकित समूह चरणमा भने आफ्नो समूहमा दोस्रोमा रहेका थिए । पाकिस्तानका मुहमद आसिफ फाइनलमा इसारथलाई पराजित गर्दै सार्क च्याम्पियन बने ।
नेपाल बिलियर्ड, स्नुकर एन्ड पुल एसोसिएसनका अध्यक्ष सरोज कुमार मुल्मीका अनुसार च्याम्पियनसिपमा पाँच देशका १२ खेलाडी सहभािग थिए ।
कोलम्बो पुगेका दुई नपाली खेलाडीमध्ये आयुष गौतम भने समूह चरणबाटै बाहिरिएका थिए ।
-1736692535.jpeg)
