रग्बी क्लबले महिला यू–२० प्रतियोगिता आयोजना गर्ने 

काठमाडौं । नेपाल महिला रग्बी क्लबले यस वर्ष महिला यू–२० प्रतियोगिता आयोजना गर्ने भएको छ । 

शनिबार काठमाडौंमा सम्पन्न क्लबको आठौं साधारण सभाले यस वर्ष महिलाको यू–२० प्रतियोगिता आयोजना गर्ने लगायतको वार्षिक कार्यक्रमलाई पारित गरेको छ । 

साथै क्लबले नेपाल रग्बी संघले आयोजना गर्ने फिफ्टिन्स साईड प्रतियोगितामा टिम सहभागी गराउने निर्णय समेत गरेको छ । नेपाल महिला रग्बी क्लबलेनै सुरुवात गरेको प्रतियोगितामा क्लबको तर्फबाट टिम सहभागी गराउने निर्णय गरिएको अध्यक्ष एलिसा थापाले बताईन् । 

साधारण सभाले गत आर्थिक वर्षको समिक्षा सहित आर्थिक प्रतिवेदन र आगामी आर्थिक वर्षको कार्यक्रम पारित गरेको छ । 

क्लबकी अध्यक्ष एलिसा थापाको अध्यक्षतामा सम्पन्न साधारण सभाको प्रमुख अतिथीको रुपमा नेपाल रग्बी संघका महासचिव गोबिन्द घिमिरे सहभागी थिए । 

उनले रग्बी खेलको विकासमा महिला रग्बी क्लबको प्रयास र कार्यक्रमको प्रशंसा गर्दै साधारण सभाको शुभकामना दिएका थिए ।