धरान। तेस्रो धरान मेघा यु १८ रेवाहाङ मेमोरियल बास्केटबल प्रतियोगिता पुस पहिलो सातदेखि हुने भएको छ।
धरान बास्केटबल संघको व्यवस्थापन, रेवाहाङ रुछेन्वुङ स्मृति प्रतिष्ठान र सुनसरी बास्केटबल संघको प्राविधिक सहयोगमा धरान मेघा हिमालयन कलेजले पुस १ गतेदेखि प्रतियोगिता आयोजना गर्न लागेको हो।
प्रतियोगितामा धरान उपमहानगर र आसपासका क्षेत्र तथा जिल्लाका विद्यालयबाट करिब १२ वटा टिमले सहभागिता जनाउनेछ। प्रतियोगितामा १२ कक्षासम्म अध्ययन गरिरहेको खेलाडीहरूले सहभागिता हुन पाउने छ। विजेता टिमले २५ हजार र उपविजेताले १२ हजार ५ सय प्राप्त गर्नेछ।
