काठमाडौं। श्री 'थ्री एक्स थ्री' यू२३ बास्केटबल प्रतियोगिता हुने भएको छ।
श्री एअरलाईन्सको आयोजनामा हुने प्रतियोगिताको व्यवस्थापन नेपाली राष्ट्रिय महिला बास्केटबल टिमले गर्नेछ। दुई दिने प्रतियोगितामा यु-२३ महिला र पुरुष तथा कर्पोरेटतर्फ प्रतिस्पर्धा हुनेछ। सबै विधामा गरी ३० भन्दा बढी टिम सहभागी हुने आयोजकले जनाएको छ।
त्रिपुरेश्वरस्थित सेमि कभर्डहलमा हुने प्रतियोगितामा यू २३ पुरुषमा १४ र महिलामा ८ टिमले सहभागि हुनेछन्। कर्पोरेटतर्फ भने हरेक टिमले एक महिला खेलाडी अनिवार्य राख्नुपर्नेछ। कर्पोरेटमा ९ टिमले प्रथिस्पर्धा गर्नेछन्।
थ्री एक्स थ्री बास्केटबलमा एक टिममा चार खेलाडी हुनेछन् भने यो हाफ कोर्टमा खेलाइनेछ।
