वर्ल्ड सेपाताक्रो च्यापियनसिपमा सहभागी हुने खेलाडीको बिदाइ

काठमाडौं। वर्ल्ड सेपाताक्रो च्यापियनसिपमा सहभागी हुन जाने खेलाडीहरूलाई राष्ट्रिय खेलकुद परिषद् (राखेप) बिदाइ गरेको छ।

सोपाताक्रो एसोसिएसन थाइल्यान्डको आयोजनामा आईएसटीएएफ वर्ल्ड सेपाताक्रो च्याम्पियनसिप तथा ३७औं थाइकिङ कपमा सहभागी हुने १३ सदस्य टोलीलाई परिषद्का सदस्यसचिव टंकलाल घिसिङले बिदाइ गरेका हुन्।

भदौ १६ गतेदेखि २३ गते (सेप्टेम्बर १ देखि ८, २०२४) सम्म हुने च्याम्पियनसिपमा टिम क्याप्टेनमा रोशन तामाङ, खेलाडीहरू दिपेशजंग थापा, पदमबहादुर ठाडामगर, अलिन जर्गामगर, सुजन थिङ, उमेशबहादुर महतो, चन्द्र चौधरी र सुमित्रा डंगोल सहभागी हुँदैछन्।

यस्तै, टिम नेशिर मास्के आइटिओ, जीतचन्द्र थापामगर टिम म्यानेजर, महेन्द्र राई र श्यामबहादुर श्रेष्ठ प्रशिक्षक तथा सोम माया थापामगर रेफ्रीका रूपमा सहभागी हुनेछन्।