काठमाडौं । दिल्ली रग्बी सेभेन्समा नेपालको कर्णाली रग्बी क्लब बल च्याम्पियन बनेको छ ।
दिल्ली हरिकेन्स क्लब र रग्बी इन्डियाले संयुक्त रुपमा नयाँ दिल्लीमा आयोजना गरेको दोस्रो दिल्ली रग्बी सेभेन्स कपमा नेपालको कर्णाली रग्बी बल च्याम्पियन बनेको हो ।
प्रतियोगितामा भारतको राजस्थान, मुम्बई, ओडिशा, उत्तराखण्ड, दिल्ली, हरियाणा, पन्जाब, पूर्ण र नेपालको कर्णाली क्लब गरी १७ प्रदेशका क्लबले प्रतिस्पर्धा गरेका थिए ।
कर्णाली रग्बी क्लबले टेबल पुल खलमा जयपुर क्लबसँग ७–२२ ले पराजित बनेको थियो । दोस्रो खेलमा पन्जाब क्लबसँग ०–१७ ले कर्णाली क्लबले हार ब्यहोरेको थियो ।
त्यसपछि अन्य क्लबसँग बल विजेताका लागि कर्णाली क्लबले प्रतिस्पर्धा गरेको थियो । पहिलो बलको सेमिफाइनलमा पुणेविरुद्ध ३३–५ को जित निकालेको कर्णालीले फाइनलमा दिल्ली वुल्भ्सलाई ४३–० ले हराएको थियो ।
पहिलो कपको विजेता दिल्ली हरिकेन्स डेस्ट्रयर्स र दोस्रो कप दिल्ली हरिकेन्स बोन क्रसर क्लबले जितेको थियो । सेकेन्ड रनरअप जयपुर क्लब बन्यो ।
कर्णाली रग्बी क्लबका सबै खेलाडीले उत्कृष्ट प्रर्दशन गरेर कर्णालीसँगै देशको इजजत बढाउने काम गरेको नेपाल रग्बी संघका महासचिव गोबिन्द घिमिरेले बताएका छन् ।
-1734511871.jpeg)
