काभा यु–२० महिला भलिबल : नेपालको पहिलो प्रतिद्वन्दी श्रीलंका

काठमाडौं। काभा यु–२० महिला भलिबल च्याम्पियनसिपको पहिलो खेलमा नेपालले श्रीलंकासँग प्रतिस्पर्धा गर्ने भएको छ।

सेन्ट्रल एसियन भलिबल एसोसिएसन (काभा) ले मंगलबार माल्दिभ्समा हुने प्रतियोगिताको खेल तालिका सर्वाजनिक गरेको हो।

उक्त तालिका अनुसार नेपाल र श्रीलंकाबीचको खेल जुलाई १८ मा हुनेछ। नेपालले जुलाई १९ मा किर्गिस्तान र त्यसको भोलिपल्ट आयोजक माल्दिभ्ससँग खेल्नेछ। 

प्रतियोगितामा सहभागी सबैले एक अर्कासँग प्रतिस्पर्धा गरेपछि शीर्ष स्थानमा रहने टोली च्याम्पियन बन्नेछ।