काठमाडौं। नेपाल भलिबल संघले आधिकारिक रूपमा इन्फिनिटी ड्रिम्स प्रालिलाई एभरेस्ट महिला फ्रेन्चाइज भलिबल लिग सञ्चालन गर्ने स्वीकृति दिएको छ ।
नेपाल भलिबल संघका अध्यक्ष जितेन्द्रबहादुर चन्दका अनुसार इनफिनिटी ड्रिम्स प्रालिलाई नेपाल भित्र ७ वर्षको लागि एभरेस्ट महिला फ्रेन्चाइज भलिबल लिग आयोजना गर्न अनुमति प्राप्त गरिएको हो। इनफिनिटी ड्रिम्स प्रालिले होम र अवे सिद्धान्तको अवधारणा अनुसार देशभर यो लिग आयोजना गर्न अधिकार पाएको हो।
यस लिगको उद्देश्य राष्ट्रिय र अन्तर्राष्ट्रिय क्षेत्रहरूमा भलिबलको स्तर विकास गर्नु र भलिबलमा व्यवसायिकता ल्याउनु रहेको संघले जनाएको छ ।
