काठमाडौं। बागमती प्रदेशले प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपको उपाधि जितेको छ।
त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा शनिबार सम्पन्न महिलातर्फको फाइनल खेलमा लुम्बिनीलाई ३-० को सोझो सेटमा पराजित गर्दै बागमती च्याम्पियन बनेको हो।
बागमतीले खेल २५-२१, २५-१६ र २५-१८ को सेटमा जित्यो। उपाधिसँगै बागमतीले तीन लाख रुपैयाँ नगद प्राप्त गरेको छ। पराजित लुम्बिनीले भने दुई लाख रुपैयाँमा चित्त बुझायो। बागमतीले समूह चरणको सबै खेल जितेको थियो।
