काठमाडौं। कर्णाली प्रदेशले प्रथम सहाना प्रधान स्मृति यू–१९ पुरुष तथा महिला भलिबल प्रतियोगितमा सान्त्वना जित हासिल गरेको छ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहीबार सम्पन्न महिलातर्फको खेलमा मधेश प्रदेशमाथि ३-१ को पुनरागमन जित हासिल गर्दै कर्णालीले प्रतियोगितामा विजयीका साथ प्रतियोगिता अन्त्य गरेको हो।
पहिलो सेट २६-२४ ले गुमाएको कर्णालीले बाँकी तीन सेटमा सहज जित निकाल्यो। दोस्रो ९-२५, तेस्रो सेट १०-२५ र अन्तिम सेट १७-२५ आफ्नो पक्षमा पारेको थियो।
योसँगै यस प्रतियोगितामा पहिलो जित हासिल गर्दै कर्णाली घर फर्किएको छ। पराजित मधेस भने सबै खेलमा पराजय बेहोर्दै बाहिरिएको छ।
