काठमाडौं। विभागीय टोली नेपाल पुलिस क्लबले आठौं प्रधानमन्त्री कप एनभिए महिला तथा पुरुष भलिबल लिग जितेको छ।
त्रिपुरेश्वस्थित राष्ट्रिय खेलकुद परिषद् (राखेप) को कबर्डहलमा शनिबार सम्पन्न फाइनलमा एभरेस्ट भलिबल क्लबलाई ३-२ को सेटमा पाखा लगाउँदै पुलिसले उपाधि हात पारेको हो।
पहिलो र दोस्रो सेट पुलिसले २१-२५ र २३-२५ ले जितेको थियो। तर, त्यसपछिका दुई सेटमा पुनरागमन गर्दै एभरेस्टले २५-२० र २५-२० ले खेल आफ्नो पक्षमा पार्यो।
पाँचौं तथा निर्णायक सेट भने एभरेस्टले १२-१५ ले गुमाएसँगै पुलिस च्याम्पियन बन्यो।
