काठमाडौं। आठौँ प्रधानमन्त्री कप एनभिए महिला तथा पुरुष भलिबल लिगको फाइनलमा एभरेस्ट भलिबल क्लब र नेपाल पुलिस क्लब भिड्ने भएका छन्।
त्रिपुरेश्वस्थित राष्ट्रिय खेलकुद परिषद् (राखेप) को कबर्डहलमा शुक्रबार सम्पन खेलमा शीर्ष स्थानमा रहेको एभरेस्टले विभागीय टोलीलाई ३-१ को सेटमा पराजित गर्दै उपाधि भिडन्त पक्का गरेको हो।
एक खेल खेल्न बाँकी रहेको एभरेस्टले पुलिसमाथि पहिलो सेटमा २५-२० को जित हासिल गरेको थियो। तर, दोस्रो सेट भने २४-२६ ले गुमायो।
बाँकी सेट २५-२० र २५-१९ ले आफ्नो पक्षमा पार्यो। पराजित भएपनि पुलिसले दोस्रो स्थानमा रहेर फाइनलमा स्थान पक्का गरेको छ।
