विभागीय डर्बीमा पुलिसको पुनरागमन जित

काठमाडौँ । आठौँ प्रधानमन्त्री कप एनभिए महिला तथा पुरुष भलिबल लिगमा विभागीय डर्बीमा नेपाल पुलिस क्लब विजयी भएको छ। 

त्रिपुरेश्वस्थित राष्ट्रिय खेलकुद परिषद् (राखेप) को कबर्डहलमा बुधबार सम्पन्न खेलमा पुलिसले आर्मीमाथि ३-१ को पुनरागमन जित हासिल गरेको हो।

पहिलो सेट २७-२५ ले गुमाएको पुलिसले त्यसपछिका तीन सेट जितेको थियो। दोस्रो सेट २४-२६ ले जितेको पुलिसले तेस्रो र चौथो सेट २१-२५ र १८-२५ ले आफ्नो पक्षमा बनायो।