काठमाडौं । हेल्प नेपालले आठौँ प्रधानमन्त्री कप एनभिए महिला तथा पुरुष भलिबल लिगमा विभागीय टोली एपिएफ क्लबलाई पराजित गरेको छ।
त्रिपुरेश्वस्थित राष्ट्रिय खेलकुद परिषद् (राखेप) को कबर्डहलमा मंगलबार सम्पन्न दिनको चौथो तथा पुरुषतर्फको अन्तिम खेलमा एपिएफ हेल्प नेपालसँग ३–० को सेटमा पराजित भएको हो।
पहिलो सेट २५–२१ ले जितेको हेल्प नेपालले दोस्रो सेट २६–२४ तथा तेस्रो सेट २५–२२ ले जित्यो। योसँगै जारी प्रतियोगितामा हेल्प नेपालले ४ खेलमा शतप्रतिशत जित हासिल गरेको छ भने एपिएफले सबै ४ खेलमा पराजय बेहोरेको छ।
