काठमाडौं। आठौँ प्रधानमन्त्री कप एनभिए महिला तथा पुरुष भलिबल लिगमा हेल्प नेपालले विजयी सुरुआत गरेको छ।
त्रिपुरेश्वरस्थित राष्ट्रिय खेलकुद परिषद् (राखेप)को कभर्ड हलमा शनिबार सम्पन्न पहिलो खेलमा हेल्प नेपालले बूढानीलकण्डलाई ३-१ को सेटमा पराजित गरेको हो।
हेल्प नेपालले पहिलो र दोस्रो सेट २५-२० र २५-१२ ले जितेको थियो। तर, तेस्रो सेट भने २७-२९ ले गुमायो। यद्यपि, चौथो सेट २५-२२ ले जित्दै हेल्प नेपालले विजयी सुरुआत गर्यो।