प्रथम म्याग्दी युवा कप भलिबल प्रतियोगिता सोमबारदेखि

बेनी। प्रथम म्याग्दी युवा कप-२०८१ पुरुष तथा खुल्ला महिला भलिबल प्रतियोगिता सोमबारदेखि शुरू हुने भएको छ।

प्रतियोगितामा गण्डकी प्रदेशभित्रका पालिकाले सहभागिता जनाउने आयोजक राष्ट्रिय युवा संघ नेपालले जनाएको छ।

पुरुषतर्फको उपाधि विजेताले २ लाख रुपैयाँ, ट्रफी, मेडल र प्रमाणपत्र प्राप्त गर्ने छन्। द्वितीयले १ लाख २० र तृतीयले ५० हजार रुपैयाँ, ट्रफी, मेडल र प्रमाणपत्र प्राप्त गर्ने छन्।

महिलातर्फ प्रथम हुने टोलीले ८० हजार, द्वितीयले ४० हजार, तृतीयले २० हजार र सान्त्वनाले १० हजार रुपैयाँ, ट्रफी, मेडल र प्रमाणपत्र प्राप्त गर्ने छन्।

प्रतियोगिताका सम्पूर्ण खेल बेनीको खुल्ला मञ्चमा हुने छन्।