काठमाडौँ। सेब र एन्जल्स हार्ट सातौँ बीएनए कप अन्तरविद्यालय बास्केटबल प्रतियोगिताको जुनिअर ब्वाइज सोमबार फाइनलमा प्रवेश गरेका छन्।
सेबले लालीगुराँस नेसनल एकेडेमीलाई २०–१७ ले पराजित गर्यो। सेबको जितमा जीवन कार्कीले ९ अंक योगदान गरे। ओजस पुनको ६ अंक सहयोगमा एन्जल्स हार्टले आयोजक वसुन्धरा नेसनल एकेडेमी (बीएनए) २७–२२ ले हरायो।
सिनिअर गर्ल्सको थ्री बाइ थ्रीमा भ्याली पब्लिक र फेरिल्यान्ड उपाधिका लागि भिड्ने भएका छन्। भ्याली पब्लिकले स्काइलार्कलाई १९–१२ ले पाखा लगायो। फेरिल्यान्डले नेपाल मोडलमाथि १४–१३ को कठिन जित दर्ता गर्यो।
सिनिअर ब्वाइजको थ्री बाइ थ्रीमा टीआईए र गोल्डेनपिकले उपाधि भिडन्त पक्का गरे। टीआईएले भ्याली पब्लिकलाई १५–१४ को साँघुरो अन्तरले निराश पार्यो। गोल्डेनपिकले पनि कठिन जित निकाल्ने क्रममा एचएचसीएविरुद्ध २०–१९ ले विजयी भयो। फाइनल मंगलबार हुनेछ।
