बीएनए क्वार्टरफाइनलमा

काठमाडौँ। आयोजक वसुन्धरा नेसनल एकेडेमी (बीएनए) सातौँ बीएनए कप अन्तरविद्यालय बास्केटबल प्रतियोगिताको सिनिअर गर्ल्सको थ्री बाइ थ्रीमा शनिबार क्वार्टरफाइनलमा प्रवेश गरेको छ।

सिनिअर गर्ल्समै नेचर बोर्डिङ स्कुल, फेरिल्यान्ड, स्काइलार्क, भ्याली पब्लिक, नेपाल मोडेल, ग्रिनल्यान्ड र एन्जल्स हार्ट पनि क्वार्टफाइनलमा पुगे। क्वार्टरफाइनल बीएनए र नेपाल मोडेल, नेचर र भ्याली पब्लिक, फेरिल्यान्ड र एन्जल्स हार्ट तथा स्काइलार्क र ग्रिनल्यान्डबीच हुनेछ।

जुनिअर ब्वाइजमा समूह ‘ए’ बाट एन्जल्स हार्ट विजेता र गोल्डेनपिक उपविजेता हुँदै क्वार्टरफाइनलमा स्थान सुरक्षित गर्न सफल रहे। आयोजक बीएनए समूह ‘बी’ को विजेता तथा हिम रश्मि सोही समूहको उपविजेता बन्दै क्वार्टरफाइनलमा स्थान बनाए। 

समूह ‘डी’ बाट लालीगुराँस नेसनल एकेडेमी तथा ओडीसी इन्टरनेसनल एकेडेमी क्रमशः विजेता र उपविजेताका हैसियतले क्वार्टरफाइनल यात्रा तय गरे। समूह ‘सी’ बाट क्वार्टरफाइनल पुग्ने २ टिमको टुंगो लाग्न बाँकी छ।