पोखरा। पोखरामा प्रथम यू– २३ पुरुष बास्केटबल प्रतियोगिता आयोजना हुने भएको छ।
महेन्द्र पुल यूथ क्लब पोखरा साँघुमुख ९ को आयोजनामा बैशाख २८ देखि ३० गतेसम्म प्रतियोगिता आयोजना हुने भएको आइतबार पोखरामा आयोजित पत्रकार सम्मेलन मार्फत जानकारी दिइएको हो।
प्रतियोगिता पोखरा रंगशालास्थित बास्केटबल कोर्ट हुने ५–५ ग्रुप सहभागी हुन पाउने प्रतियोगिता संयोजक सेलोज जोजिजुले बताए।प्रतियोगिताको विजेताले ४० हजार, दोस्रोले हुनेले २५ हजार शिल्ड,मेडल र प्रमाणपत्र प्राप्त गर्ने संयोजक जोजिजुले खुलाए।प्रतियोगिता सम्पन्न गर्न ४ लाख ६५ हजार खर्च हुने र मुख्य प्रायोजकमा पोखरा महानगरपालिका वडा ९ कार्यालय र अन्य संघ सस्थाहरु रहेको अध्यक्ष आनन्दकुमार तझ्याले जानकारी दिए।
२० टिम सहभागी हुने अपेक्षा आयोजकको रहेको छ भने, टिम दर्ता शुल्क ४ हजार तोकिएको छ। २०६३ सालमा स्थापना भएको संस्थाले युवाहरूको मनोभावनालाई आत्मसाथ गर्दै खेलकुदका कार्यक्रम सञ्चालन गदै आइरहेको छ।
