भलिबलमा लुम्बिनी र बागमतीलाई उपाधि

काठमाडौँ। १४औँ केन्द्रीयस्तरीय राष्ट्रपति रनिङ शिल्डअन्तर्गत भलिबलमा लुम्बिनी र बागमती च्याम्पियन बनेका छन्। लुम्बिनी छात्र तथा बागमती छात्रामा पहिलो भएका हुन्। विजेता दुवै टोलीले गण्डकीलाई पराजित गरे।

त्रिपुरेश्वरस्थित राखेपको कभर्डहलमा भएको छात्र फाइनलमा लुम्बिनीले गण्डकीलाई २५–१७, २५–१४, १९–२५ र २५–१९ ले पराजित गर्‍यो। कर्णाली तेस्रो भयो।

छात्राको उपाधि भिडन्तमा बागमतीले गण्डकीलाई २५–१३, २५–१४ र २५–१४ को सोझो सेटमा हरायो। लुम्बिनी तेस्रो स्थानमा रह्यो।