काठमाडौँ। विभागीय टोली नेपाल पुलिस क्लब आठौँ आरबीबी एनभीए महिला तथा पुरुष भलिबल च्याम्पियनसिपको महिलातर्फ उपाधिनजिक पुगेको छ।
त्रिपुरेश्वरस्थित राष्ट्रिय खेलकुद परिषद (राखेप)को कभर्डहलमा बिहीबार सम्पन्न पहिलो सेमिफाइनलमा अर्को विभायीय टोली नेपाल एपीएफ क्लबलाई ३-१ को सेटले पराजित गर्दै पुलिस उपाधिनजिक पुगेको हो।
पुलिसले शुरूआती दुई सेट २७-२५, २५-२२ ले जितेको थियो। तर, तेस्रो सेट २८-३० ले गुमाउन पुग्यो। यद्यपि, चौथो सेटमा २५-१७ को जित हासिल गर्दै पुलिसले फाइनलमा स्थान सुरक्षित गर्यो।
पुलिसले उपाधिका लागि न्यू डायमन्ड स्पोर्ट्स क्लब र एभरेस्ट भलिबल क्लबबीच हुने दोस्रो सेमिफाइनलको विजेतासँग खेल्ने छ।
-1732712797.jpeg)
