काठमाडौँ। आठौँ आरबीबी एनभीए महिला तथा पुरुष भलिबल च्याम्पियनसिपको पुरुषतर्फ सेमिफाइनलमा साविक विजेता हेल्प नेपाल स्पोर्ट्स क्लब र गण्डकी प्रदेश भिड्ने भएका छन्।
त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा बुधबार सम्पन्न दोस्रो क्वार्टरफाइनलमा एपीएफ क्लबलाई ३-० को सोझो सेटमा पराजित गर्दै गण्डकी प्रदेशले हेल्प नेपालसँगको भेट पक्का गरेको हो।
गण्डकी प्रदेशले पहिलो सेट २५ -१७ ले जितेको थियो। त्यसपछिका दुई सेट ३०-२८, २५ -२३ ले जित्दै गण्डकी प्रदेशले अन्तिम चारमा स्थान पक्का गर्यो।
हेल्प नेपालले बुधबार नै सम्पन्न पहिलो क्वार्टरफाइनलमा बूढानीलकण्ठ भलिबल क्लबलाई ३-० को सोझो सेटमा पराजित गर्दै अन्तिम चारमा स्थान पक्का गरेको थियो। हेल्प नेपालले बूढानीलकण्ठलाई २५-१८,२५-१७, २५-२३ ले पराजित गर्यो।
-1732712797.jpeg)
