काठमाडौँ। प्रधानमन्त्री पुष्पकमल दाहाल प्रचण्डले क्रिकेट पूर्वाधारलाई आफ्नो सरकारले प्राथमिकता दिएको बताएका छन्।
प्रधानमन्त्री निवास बालुवाटारमा अन्तर्राष्ट्रिय क्रिकेट काउन्सिल (आईसीसी) अध्यक्ष ग्रेग बार्कलेसँगको भेटमा उनले उक्त कुरा बताएका हुन्।
‘नेपाल सरकारले क्रिकेट रंगशालालाई राष्ट्रिय गौरवको योजनाका रूपमा निर्माण गर्ने निर्णय गरेर क्रिकेट पूर्वाधारलाई निकै प्राथमिकता दिएको छ,’ उनले भने।
यस्तै, दाहालले सन् २०२७ को यू१९ महिला विश्वकपका लागि नेपाल सरकारले निकै महत्त्व दिएको बार्कलेलाई बताए। आईसीसीबाट पनि महत्त्वपूर्ण सहयोग हुने अपेक्षा उनले व्यक्त गरेका थिए।
बार्कले नेपालको क्रिकेट क्षेत्रको विकासका लागि आईसीसीले सहयोग गर्ने बताए।
