निरुता र फखर उदिन टाइगर कपका सर्वाेत्कृष्ट

पोखरा । विभागीय टोली नेपाल एपीएफ क्लबकी निरुता ठगुन्ना महिलातर्फ र हेल्प नेपाल स्पोर्टस क्लबका फखर उदिन पुरुषतर्फ टाइगर कप भलिबलको सर्वोत्कृष्ट खेलाडी चुनिएका छन् । 

प्रतियोगिता अन्तर्ग शनिबार भएको फाइनल खेलमा दुबै खेलाडीले आफ्नो टोलीलाई उपाधि दिलाउन महत्वपूर्ण योगदान गरेका थिए । 

निरुताले एपीएफलाई लगातार तेस्रो पटक उपाधि दिलाउन महत्वपूर्ण भूमिका खेलिन् । यता पाकिस्तानी खेलाडी फरकउद्दिनले आफ्नो टोली हेल्प नेपाललाई उपाधि दिलाउन महत्वपूर्ण योगदान गरे । 

सर्वोत्कृष्ट घोषित भएका दुबै खेलाडीले समान २५ हजार ५ सय ५५ रुपैयाँ प्राप्त गरे ।

चौथो टाइगर कप भलिबलमा महिलातर्फ उत्कृष्ट स्पाइकर एपीएफकी सरस्वती चौधर, सर्भर न्यु डायमण्डकी बाल्मिका आचार्य चुनिदा उत्कृष्ट सेटर एपीएफकी जस्ना महतो, ब्लकर सुनिता खड्का (आर्मी), लिबेरो सलिना श्रेष्ठ (न्यु डायमण्ड) र उत्कृष्ट प्रशिक्षक महेश चौधरी (एपिएफ) चुनिय । 

पुरुषतर्फ उत्कृष्ट स्पाइकर मजहर अली (हेल्प नेपाल), सर्भर हिमाल सुनारी (गण्डकी), सेटर मोहम्मद (हेल्प नेपाल), ब्लकर रामश्वामी अगामुटो (गण्डकी), लिबेरो दीपक थापा (हेल्प नेपाल) र उत्कृष्ट प्रशिक्षकमा उत्सव खड्का (हेल्प नेपाल) चुनिय ।