एपीएफको टाइगर कपमा उपाधि ह्याट्रिक 

पोखरा । विभागीय टोली एपीएफ क्लबले टाइगर कप अन्तर्गत महिला भलिबलको उपाधि जितेको छ । 

शनिबार भएको फाइनल खेलमा चन्द्रागिरी न्यु डायमण्डलाई सोझो सेटमा हराउँदै एपीएफले लगातार उपाधि आफ्नो पक्षमा पारेको हो । एपीएफले लगातार तेस्रो पटक उपाधि जितेको हो । 

एपीएफले महिलातर्फ दोस्रो र तेस्रो संस्करणको उपाधि पनि जितेको थियो ।  

पोखरा रंगशालाको भलिबल कोर्टमा पहिलो सेटमा २५–२० मा जितेको एपीएफले दोस्रो सेट २५–१८ मा जित्दा अन्तिम सेटमा २५–२१  को जित निकाल्यो । 

उपाधिसँगै एपीएफले ५ लाख ५५ हजार ५ सय ५५ रुपैया प्राप्त गरेको  छ। दोस्रो भएको न्यु डायमण्डले २ लाख ५५ हजार ५ सय ५५ रुपैया पाप्त गरेको छ ।