एपीएफ पुरुषतर्फ टाइगर कपमा तेस्रो  

पोखरा । विभागीय टोली नेपाल एपीएफ क्लब चौथो टाइगर कप भलिबल अन्तर्गत पुरुषतर्फ तेस्रो भएको छ । 

शनिबार तेस्रो स्थानका लागि भएको खेलमा एपीएफले श्रीलंकन आर्मीलाई सोझो सेटले हराएको हो । 

पहिलो सेटमा २५–२३ ले जितेको एपीएफले दोस्रो सेट २५–२१ र तेस्रो सेटमा २७–२५ ले जित्न सफल भयो । 

प्रतियोगिता अन्तर्गत आज नै महिला तथा पुरुषतर्फ फाइनल खेलहरु हुँदैछन् । 

महिलातर्फको उपाधिका लागि भने अहिले नेपाल एपीएफ क्लब र न्यु डायमण्ड भिडिरहेका छन् ।