पुलिस बाहिरियो, एपीएफ समूह विजेता

पोखरा । विभागीय टोली नेपाल पुलिस क्लब चौथो टाइगर कपको समूह चरणबाट बाहिरिएको छ । 

प्रतियोगिता अन्तर्गत बुधबार भएको समूहको अन्तिम खेलमा श्रीलंका आर्मीलाई ३–१ को अन्तरले पराजित गरेको पुलिस बाहिरिएको हो । 

पुलिस समूहको पुछारमा छ । समूह ‘बी’ मा एपीएफ, श्रीलंका आर्मी र पुलिसको समान ३–३ अंक भएपनि सेटको अन्तरमा पुलिस बाहिरिएको हो ।

पोखरा रंगशालामा पुलिसले पहिलो सेट ४१–३९ ले जितेको थियो । दोस्रो सेट भने श्रीलंकन आर्मीले २५–१३ जित्यो । 
त्यसपछि पुलिसले २५–२० ले तेस्रो सेट र २५–१७ ले चौथो सेट जित्दै खेल जित्यो ।

यता महिला भलिबलतर्फ भने नेपाल पुलिस क्लब, न्यु डायमन्ड, आर्मी क्लब र एपीएफ सेमिफाइनलमा पुगि सकेका छन् ।