काठमाडौं । नेपालले वेस्ट एसियन वुमन च्याम्पियनसिपमा सहभागीता जनाउने भएको छ ।
अखिल नेपाल फुटबल संघ एन्फाको आपतकालिन समितिको बैठकले साउदी अरेबियामा हुने च्याम्पियनसिपमा सहभागीता जनाउने निर्णय गरेको हो ।
वेस्टन एसियन फुटबल फेडेरेसन वुमन च्याम्पियनसिप फेब्रुअरी १९ देखि २८ गतेसम्म साउदी अरेबियामा आयोजना हुदैछ ।
प्रतियोगितामा सहभागीताका लागि प्राप्त निमन्त्रणालाई एन्फाले स्विकार गर्दै राष्ट्रिय महिला फुटबल टिमलाई पठाउने निर्णय गरेको हो ।
बैठकले माघ २७ गते चीनको किङ्घाई प्राप्तको युथ टिम र नेपालको राष्ट्रिय युथ टिमबीच मैत्रीपूर्ण फुटबल खेलाउने निर्णय गरेको छ । खेल दशरथ रंगशालामा हुनेछ ।
चीनको प्रस्ताव अनुसार नेपालले यस खेलको आयोजना गरेको हो । एन्फाले सो मैत्रीपूर्ण खेलका लागि साधारणतर्फ ३ सय र भिआईपीतर्फ ५ सय रुपैयाँ टिकट दर तोक्ने निर्णय समेत गरेको छ ।
