पुलिसलाई हराउँदै एपीएफ सेमिफाइनलमा 

कामठमाडौं । विभागीय टोली नेपाल एपीएफ क्लब ३४औं राष्ट्रिय भलिबल प्रतियोगिताको सेमिफाइनलमा प्रवेश गरेको छ ।  सोमबार भएको खेलमा अर्काे विभागीय टोली नेपाल पुलिस क्लबलाई ३–१ सेटले हराउँदै सेमिफाइनलमा स्थान बनाएको हो । 

पहिलो  सेट २५–१७ मा जितेको एपीएफले दोस्रो सेटमा २५–१५ जित निकाल्यो । निकै प्रतिस्पर्धात्मक बनेको खेलको तेस्रो सेटमा पुलिस क्लबले   २५–२२ ले आफ्नो पक्षमा पार्यो । 

चौथो सेटमा एपीएफले २५–२० को जित निकाल्दै सेमिफाइनलमा स्थान बनाएको हो । 

प्रतियोगितामा तीन विभागीय सहित दश टोलीको सहभागिता छ । दश टोलीलाई दुई समूहमा विभाजन गरिएको छ । 

जितसँगै समूह ‘ए’ मा रहेको एपीएफले ३ खेलबाट ९ अंक जोडेको छ । पराजित पुलिसको ३ खेलबट ६ अंक छ ।