काठमाडौं । ललितपुर जिल्ला ब्याडमिन्टन संघको आयोजना तथा बालकुमारी रिमिक्स क्लबको सहआयोजनामा दोश्रो ललितपुर मेयर कप राष्ट्रिय ब्याडमिन्टन प्रतियोगिता अर्को हप्ता हुने भएको छ ।
पुस ३ गतेबाट हुने र्याङ्किग प्रतियोगिताको मुख्य प्रायोजकमा ललितपुर नगरपालिकाको रहेको छ ।
प्रतियोगितामा पुरुष एकल, महिला एकल, यु—१७ छात्र तथा छात्रा एकल, नेपाल ब्याडमिन्टन संघको शीर्ष २० बरियता बाहेकको पुरुष युगल र ४५ बर्ष माथीको भेट्रान्स युगल खुल्ला गरि ६ बिधामा प्रतिस्पर्धा हुने आयोजक ललितपुर जिल्ला ब्याडमिन्टन संघले जनाएको छ ।
प्रतियोगितामा पुरुष एकल र महिला एकल तर्फ बिजयी खेलाडीहरुले नगद ४० हजारका साथै मेडल, प्रमाणपत्र र ट्रफी प्राप्त गर्ने छन् ।
उप विजेता बन्ने खेलाडीहरुले नगद २० हजारका साथ मेडल, प्रमाणपत्र र ट्रफी प्राप्त गर्नेछन् । तेश्रो स्थान प्राप्त गर्ने दुई खेलाडी प्रत्येकले नगद १० हजारका साथ मेडल, प्रमाणपत्र र ट्रफी प्राप्त गर्ने छन् ।
यसैगरि पुरुष युगल तर्फका विजयी जोडीले नगद ४० हजार, उप विजेता जोडीले नगद २० हजार र तेश्रो स्थान प्राप्त गर्ने प्रत्येक जोडीले नगद १० हजार सहित मेडल, प्रमाणपत्र र ट्रफी प्राप्त गर्ने छन् ।
यु —१७ छात्र÷छात्रा तथा भेट्रान्स युगलतर्फका विजयी खेलाडीले नगद २० हजार, उप विजेताले नगद १० हजार र तेश्रो स्थान प्राप्त गर्ने खेलाडीले नगद ५ हजार मेडल, प्रमाणपत्र र ट्रफी प्राप्त गर्नेछन् ।
प्रतियोगिताको खर्च करिब ३० लाख रहेको छ ।
नेपाल ब्याडमिन्टन संघको प्राविधिक सहयोगमा हुने प्रतियोगिता ललितपुर बालकुमारीस्थित बालकुमारी रिमिक्स क्लबको आफ्नै कोर्टमा पौष ३ देखि ७ गते सम्म संचालन हुनेछ ।
प्रतियोगिता बिश्व ब्याडमिन्टन महासंघ, एशियन ब्याडमिन्टन महासंघ र नेपाल ब्याडमिन्टन संघको नियमानुसार खेलाईने छ ।
प्रतियोगितामा नेपाल ब्याडमिन्टन संघ संग आवद्ध जिल्ला, क्लब र अन्य गरि करिव सय खेलाडीको सहभागिता रहने आयोजकले जनाएका छन् ।
