काठमाडौं । टाइम्स इन्टरनेसनल र नेपाल आर्मी दोश्रो नखिपोट खुला बास्केटबल प्रतियोगिताको पुरुषमा क्वाटरफाइनलमा प्रवेश गरेका छन् ।
बुधबार नखिपोटस्थित आयोजक नखिपोट युवा क्लबको कभर्डहलमा भएको प्रतिस्पर्धामा टाइम्सले बूढानीलकण्ठलाई ८१–७१ ले पराजित ग¥यो ।
टाइम्सको जितमा मनीष केसीले २३ अंक योगदान गरे । अमृत कोइरालाको २१ अंक सहयोगमा आर्मीले स्नोल्यान्डलाई १०५–४० ले सहजै हरायो ।
समूह चरणको अन्य खेलमा बलर्स एकेडेमी र ओभ्स हाउन्ड्सले जित निकाले । बलर्सले गोब्लिन्समाथि ७६–७३ को कठिन जित रच्यो । बलर्सका साहिल गुरुङले २० स्कोर गरे ।
ओभ्सले आयोजक नखिपोट ‘बी’ लाई ७८–६० ले पाखा लगायो । विजेताका सिमोन गुरुङले २९ अंक जोडे ।
बिहीबारदेखि महिलाको प्रतिस्पर्धा पनि सुरु हुनेछ । यु–२३ उमेरसमूहको प्रतिस्पर्धामा ४ टिमले राउन्ड रोविन लिगका आधारमा प्रतिस्पर्धा गर्ने छन् ।
लिगका शीर्ष २ टोली उपाधिका लागि भिड्ने छन् ।
