कबड्डीमा नेपाल पदकको नजिक

काठमाडौं । एसियन गेम्समा नेपालको महिला कबड्डी टिम पदकको नजिक देखिएको छ । 

समूह चरणको खेलमा सोमबार बंगलादेशलाई हराउँदै नेपालले एसियन गेम्समा कम्तिमा काँस्य पदकको नजिक देखिएको हो । 

सोमबार नेपालको महिला कबड्डी टिमले बंगलादेशलाई ३७–२४ अंकले पराजित गर्यो । 

बंगलादेशले समूह चरणको अन्तिम खेलमा इरानसँग खेल्नेछ । स्वर्णको बलियो प्रत्यासी इरानसँग बंगलादेशले जित निकाल्न निकै कठिन देखिन्छ । 

नेपाल समूह चरणको पहिलो खेलमा इरानसँग हारेको थियो ।

एसियन गेम्समा एउटा पदकका लागि संघर्ष गरिरहेको नेपाललाई कबड्डी टिमले कम्तिमा काँस्य पदकको नजिक पुर्याएको छ ।