काठमाडौं । एथलेटिक्स परिवार, नेपालको आयोजना तथा चन्द्रागिरी नगरपालिकाको सहआयोजनामा अन्तर नगरपालिका राष्ट्रिय क्रसकन्ट्री दौड अशोज १३ गते हुने भएको छ ।
चन्द्रागिरी नगरपालिकामा आयोजना हुने क्रसकन्ट्री दौडमा सिनियर महिला तथा पुरुषको १० किमी र जुनियर तर्फ महिला तथा पुरुषको ५ किमी गरि ४ विधामा ब्यक्तिगत, टिम र समष्टिगत रुपमा खेलाडीहरुलाइ प्रतिस्पर्धा गराईने जानकारी गराईयो ।
काठमाडौंमा बिहीबार पत्रकार सम्मेलनको आयोजना गरेर कार्यक्रमबारे औपचारिक जानकारी गराईएको हो ।
शीर्ष तीन स्थान हात पार्ने सिनियर ब्यक्तिगत तर्फका खेलाडीहरुले नगद २५ हजार, १५ हजार र १० हजार सहित पदक, ट्रफी र प्रमाणपत्र प्रदान गरिने छ । यस्तै जुनियर ब्यक्तिगत तर्फ शिर्ष तीन स्थान हात पार्ने खेलाडीहरुले नगद १५ हजार, १० हजार र ७ हजारका साथै पदक, ट्रफी र प्रमाणपत्र प्राप्त गर्ने छन् ।
यस्तै सिनियर तर्फ टिम प्रथमले २४ हजार, द्वितीयले ८ हजार र १२ हजार तथा जुनियर तर्फ १५ हजार, १२ हजार र ९ हजार नगदले पुरस्कृत गरिने छ ।
यसैगरि प्रतियोगितामा सहभागी टिमले प्राप्त गरको नतिजाको आधारमा समष्टिमा प्रथम हुने टिमले नगद ४२ हजार, द्वितीय हुने टिमले नगद ३० हजार, तृतीयले नगद १८ हजार, चौथोले नगद १४ हजार र पाँचौले नगद १२ हजार प्राप्त गर्ने पत्रकार सम्मेलनमा जानकारी गराइयो ।
देशभरका महानगरपालिका, उपमहानगरपालिका र नगरपालिका गरि २९३ नगरपालिकाका करिव २० नगरपालिकाका ३०० खेलाडीहरुले प्रतियोगितामा सहभागिता जनाउने विश्वास गरिएको छ । प्रतियोगिताको खर्च करिव २० लाख लाग्ने अनुमान गरिएको छ ।
दौड चन्द्रगिरी नगरपालिकाको कार्यालय बलम्बुबाट सुरु भई नगरपालिकाको विभिन्न स्थान हुदै पुन नगरपालिको कार्यालयमा आएर सम्पन्न हुने छ ।
कार्यक्रममा बोल्दै चन्द्रागिरी नगरपालिकाका मेयर घनश्याम गिरीले नगरको गरिमा र गौरव बढाउने कार्यक्रममा आफुहरु जोडिएको बताए । चन्द्रागिरी नगरले खेलकुदलाई उच्च प्राथमिकतामा राखेको उल्लेख गर्दै चन्द्रागिरीमा आयोजना आयोजना हुदाँ देशब्यापी रुपमा नगरको प्रचार र प्रबद्र्धनमा सहयोग पुग्ने धारणा राखेका थिए ।
नगरपालिका संघका कार्यकारी निर्देशक कलानिधी देवकोटाले कार्यक्रमको आयोजनाबाट देशभित्र रहेका एथलेटिक्सका खेलाडीको प्रतिभा प्रस्फोटनमा सहयोग पुग्ने विश्वास ब्यक्त गरे ।
आयोजक संस्था परिवारका अध्यक्ष राजन खत्रीले नगरपालिकामा रहेका प्रतिभालाई उचित मञ्च प्रदान गर्न कार्यक्रमको आयोजना गरिएको पत्रकार सम्मेलनमा जानकारी गराएका थिए ।
