टिम इभेन्ट्समा नेपाल फाइनलमा

काठमाडौं । ब्याडमिन्टन एशियाको दक्षिण एशिया क्षेत्रीय जुनियर च्याम्पियनसिप अन्तरगत यु–१५ मिक्स टिम इभेन्ट्समा नेपाल र श्रीलङ्का फाईनलमा प्रवेश गरेका छन् ।

हचोकस्थित एपिएफको कभर्डहलमा भएको खेलमा यु–१५ तर्फ बंगलादेशविरुद्धको खेलमा नेपालले ३–२ को जित हात पार्दै फाईनलमा स्थान पक्का ग¥यो । पहिलो सेटमा बंगलादेशका मोस्तकिम होसेनले नेपालका सुविन श्रेष्ठलाई २१–७, २१–१० ले पराजित गरे । दोश्रो सेटमा नेपालकी रिहाना शेरचनले बंगलादेशकी अफिफा खान अरिनलाई २१–१६, २१–१५ ले पराजित गर्दै खेललाई १–१ को बराबरीमा ल्याईन् । 

यस्तै तेश्रो सेटमा मोस्तकिम होसेन र वाली उल्लाहको जोडीले सूर्य महर्जन र सुविन श्रेष्ठको जोडीलाई २१–११, २१–११ ले पराजित गर्दै खेललाई आफ्नो पक्षमा पार्दै बंगलादेशले २–१ को अवस्थामा पु¥यायो । पुन नेपालका दिलाशा राना र रिहाना शेरचनको जोडीले अफिफा खान अरिन र तान्जिला महमुदको जोडीलाई २१–१६, २२–२० ले पराजित गर्दै खेललाई २–२ को बराबरीमा पु¥याए ।

अन्तिम तथा निर्णायक खेलमा नेपालका सुविन श्रेष्ठ र रिहाना शेरचनको जोडीले बंगलादेशका मोस्तकिम होसेन र तान्जिला महमुदको जोडीलाई २१–१५, २०–२२, २१–१३ ले पराजित गर्दै फाईनलमा स्थान बनाए । 

अब नेपालले उपाधीका लागि श्रीलङ्काको सामना गर्ने भएको छ । प्रतियोगिताको फाईनल भोली ९ बजे बाट सुरु हुने कार्यक्रम रहेको छ ।

भुटानबिरुद्धको अर्को खेलमा श्रीलङ्काले ३–० को जितका साथ फाईनल पक्का गरेको छ । श्रीलङ्काका केनेथ अरुग्गोडाले भुटानका पेमा तेन्जिनलाई २१–६, २१–७ ले, सिथुली रनसिंघेले याङ्गचेन डोलकरलाई २१–८, २१–८ ले र केनेथ अरुग्गोडा र सेनुथ सेथमिथा पेरेराले पेमा तेन्जिन र सोनाम फुन्छो छेतेनलाई २१–९, २१–११ ले पराजित गर्दै फाईन प्रवेश गरेका हुन् ।

च्याम्पियनसिपको दोश्रो दिन भएको यु–१७ को खेलमा बंगलादेशले भुटानलाई ३–० ले पराजित गर्दै फाईनलमा स्थान बनाएको हो । बंगलादेशका एसएसएम सिफात उल्लाहले भुटानका ङवाङ्ग रिग्सेल जर्मीलाई २१–१२, २१–७, सिनथिन खानोम प्रियुन्तीले कृती गुरुङ्गलाई २१–१८, २१–५ र राजोन मिया र एसएसएम सिफात उल्लाहको जोडीले अभिक बालामपाकी र नवाङ्ग रिग्सेल जर्मी जोडीलाई २१–५, २१–१० ले पराजित गरेका हुन् ।

यस्तै श्रीलङ्काले पनि नेपाललाई ३–० ले नै पराजित गर्दै फाईनल प्रवेश गरेको हो । श्रीलङ्काका थिदासा वेरागोडाले नेपालका कविर केसीलाई २१–१७, १५–२१, २३–२१, रनिथमा लियानागेले रोजी राईलाई २१–५, २१–३ र हिरुका अलुथ पाटबेन्डिगे र थिदासा वेरागोडाको जोडीले कविर केसी र अभय महराको जोडीलाई २१–१८, २१–१७ ले पराजित गर्दै फाईनलमा स्थान पक्का गरेका हुन् ।

ब्याडमिन्टन एशियाको आयोजना तथा नेपाल ब्याडमिन्टन संघको तत्वावधानमा सञ्चालित प्रतियोगिता नेपालले पहिलो पटक भएको हो ।