नेपालमा पहिलो पटक ब्याडमिन्टन एसियाको प्रतियोगिता हुँदै

काठमाडौं । नेपालमा ब्याडमिन्टन एसियाको प्रतियोगिता पहिलो पटक हुने भएको छ ।  नेपाल ब्याडमिन्टन संघले ब्याडमिन्टन एसिया (साउथ एसिया) रिजनल च्याम्पियनसिप २०२३ काठमाडौमा आयोजना गर्न लागेको हो । 

आयोजक नेपाल ब्याडमिन्टन संघले बिहीबार एक पत्रकार सम्मेलनको अयोजन गर्दै प्रतियोगिताको औपचारिक घोषणा गरेको छ । 

महादेसीय ब्याडमिन्टनको सर्वोच्च संस्था ब्याडमिन्टन एसियाको प्रतियोगिता नेपालमा पहिलोपल्ट सञ्चालन हुन लागेको हो । प्रतियोगिता भदौ १ गतेदेखि ५ गतेसम्म एपीएफ क्लबको हलचोक स्थित कभर्डहलमा हुनेछ । 

च्याम्पियनसिपमा यू १५ र यू १७ प्रतियोगिताको रुपमा रहेको छ । यू १५ इन्डिभिज्युअलमा गर्ल्स सिंगल्स, ब्वाइज सिंगल्स, गर्ल्स डबल्स, ब्वाइज डबल्स र मिक्स डबल्स गरी ५ स्पर्धा हुने छ । 

त्यस्तै यू १७ तर्फ पनि इन्डिभिज्युअलमा गर्ल्स सिंगल्स, ब्वाइज सिंगल्स, गर्ल्स डबल्स, व्वाइज डबल्स र मिक्स डबल्स गरी ५ स्पर्धासमावेश गरिएको छ । त्यस्तै, यू १५ र यू १७ टिम च्याम्पियनसिपमा पनि प्रतिस्पर्धा हुने छ । त्यसैले प्रतियोगितामा कुल इभेन्ट सञ्चालन हुने छन् ।

व्यक्तिगत र टिम स्पर्धासमावेश गरिएको छ । प्रतियोगितामा आयोजक नेपाल सहित बंगलादेश, पाकिस्तान, श्रीलंका, भुटान र माल्दिभ्स गरी दक्षिण एसियाका ६ देशबाट ८–८ जना खेलाडीले प्रतिस्पर्धा गर्न पाउने छन् । नेपाली टिममा १६ खेलाडी छन् । व्यक्तिगत स्पर्धामा आयोजक मुलुकका तीन खेलाडी एउटै स्पर्धामा सहभागि हुन पाउने व्यवस्था छ भने अन्य देशका दुई खेलाडीले एउटा स्पर्धामा प्रतिस्पर्धा गर्नसक्ने व्यवस्था गरिएको छ ।

च्याम्पियनसिपमा कुल ५२ खेलाडी सहभीग हुदैछन्, जसमा गल्सर्पतर्फ २६ र ब्वाइजतर्फ पनि २६ जना खेलाडी सहभागि हुने नेपाल ब्याडमिन्टस संघका अध्यक्ष रामजीबहार श्रेष्ठले जानकारी दिए ।  

प्रतियोगिता अन्तर्गत दक्षिण एसियाली स्तरका विभन्न चार इभेन्ट्स पनि सञ्चालन हुदैछ, जसमा साउथ एसिया लिडर्स डिभलमेन्ट मिटि, साउथ एसिया वुमेन्स इन ब्याडमिन्टन वर्कसप, साउथ एसिया रिजनल एम्पायर कोर्ष र साउथ एसिया जुनियर टेनिङ क्याम्प छन् । 

च्याम्पियनसिप तथा कार्यक्रम सञ्चालनका लागि ब्याडमिन्टन एसियाबाट सिनियर डेभ्लोप्मेन्ट सिनियर म्यानेजर सम्बेन्थन शिवपेरुमल र थानाबालन अरिकृष्णन तथा इभेन्ट्स म्यानेजर एनजी येइन मुन नेपाल आइसकेका छन् । ब्याडमिन्टन एसिया डेभ्लोप्मेन्ट कमिटिका चेयरमेन वाजित अलि चौधरी आजै राती आउँदै छन् ।