अपराजित पुलिस फाइनलमा, डायमण्ड बाहिरियो

काठमाडौं । राजधानीमा जारी सातौं संस्करणको एनभिए महिला तथा पुरुष राष्ट्रिय भलिबल क्लब लिगमा महिला तर्फको विभागिय टोली नेपाल पुलिस क्लब अपराजित रुपमा फाइनल पुगेको छ । 

पुलिस समूह चरणको एक खेल अगावै फाइनल प्रवेश गरेको थियो । पुलिसले शुक्रबार भएको खेलमा न्यु डायमण्ड एकेडेमीलाई पराजित गरेको हो ।

पुलिससँग डायमण्ड पराजित भएसँगै अर्को विभागीय टोली नेपाल एपीएफ क्लब फाइनल प्रवेश गरेको छ । 

पुलिसले डायमण्डलाई ३-० को सोझो सेटमा पराजित गरेको हो । पुलिसले २५-२०, २५-१४ र २५-१७ को सोझो सेटमा पराजित गर्यो ।

प्रतियोगितामा महिला तर्फ ६ तथा पुरुष तर्फ ७ टोलीको सहभागीता रहेको छ । महिला र पुरुष तर्फ शीर्ष दुईमा रहने टोलीबीच फाइनल खेल हुनेछ ।

फाइनल खेल असार ३० गते शनिबार छ ।