काठमाडौं । एस थ्री बाइ थ्री बास्केटबलको क्वाटरफाइनल समीकरण पूरा भएको छ ।
एस इन्टरनेशनल बिजनेस स्कूलको आयोजनामा जारी प्रतियोगिता अन्तर्गत समूह चरणका खेलहरु सकिएसँगै क्वाटरफाइनल समीकरण पूरा भएको हो ।
समूह 'ए' बाट ब्ल्याक माम्बा, टी आई वी एस, समूह 'बी' बाट टी आई वी एस (बी) , बलर्स एकेडेमी, समूह 'सी' बाट सनवे कलेज, अक्सब्रिज र समूह 'डी' बाट गोल्डेन गेट कलेज र नामी 'बी' क्वाटरफाइनलमा प्रवेश गरेका छन् ।
प्रतियोगितामा काठमाडौं उपत्यका र बाहिरका गरी २० टिमको सहभागिता रहेको छ ।
प्रतियोगिताको विजेताले २० हजार रुपैयाँ र उपविजेताले १० हजार रुपैयाँ प्राप्त गर्ने एस-आईबीएसका सह निर्देशक साजिद विष्टले जनाएका छन् ।
मोस्ट भ्यालुएबल प्लेयर र इमर्जिङ प्लेयर पनि पुरस्कृत हुनेछन् ।
