काठमाडौं । माल्दिभ्समा जारी फाइभ नेसन्स पुरुष बास्केटबल च्याम्पियनसिप अन्तर्गत फाइनल प्रवेशका लागि नेपालले आज मंगलबार भुटानको सामना गर्ने भएको छ ।
माल्दिभ्सको मालेमा नेपाल र भुटानबीचको सेमिफाइनल खेल राती सवा ९ बजे हुनेछ ।
लिग चरणमा शीर्ष स्थानमा रहदै सेमिफाइनल पुगेको नेपालले फाइनल प्रवेशका लागि भुटानको सामना गर्ने भएको हो।
भुटान लिग चरणमा चौथो भएको थियो । लिग चरणको पहिलो खेलमा नेपाललाई भुटानले ६१-५५ ले हराएको थियो ।
सेमिफाइनलमा नेपाल भुटानसँग उक्त खेलको बदला लिन चाहन्छ ।
प्रतियोगिताको पहिलो खेलमा पराजित नेपालले त्यसपछिका लगातार तीन खेलमा जित दर्ता गरेको थियो ।
आज नै पहिलो सेमिफाइनलमा पाकिस्तान र बंगलादेश भिड्ने छन् ।
प्रतियोगितामा नेपाल सहित माल्दिभ्स, बंगलादेश, भुटान र पाकिस्तानले राउन्ड रोविन लिगका आधारमा प्रतिस्पर्धा गरिरहेका छन् ।
दुई सेमिफाइनलका विजेताले २२ जुनमा फाइनलमा प्रतिस्पर्धा गर्ने छन् ।
