काठमाडौं । हङकङ नेप्लिज ब्याडमिन्टन संघले दोस्रो संस्करणको पुरुष ओपन डबल्स ब्याडमिन्टन लिग आयोजना गर्ने भएको छ ।
ब्याडमिन्टन लिग आगामी जुलाईको दोस्रो साताबाट सुरु हुने आयोजकले जनाएको छ ।
लिगका मुख्य संयोजक संजीव राईको अनुसार पुरुष डबल्स डिभिजन ए र पुरुष डबल्स डिभिजन बी गरी जम्मा २ बिधामा हरेक हप्ताको शनिबार र आइतबार लिगका खेलहरु खेलाईने छ ।
प्रत्येक बिधाका बिजेता र उप बिजेता खेलाडीहरुलाई आकर्षक नगद पुरस्कार र ट्रफी समेत प्रदान गरिने राईले बताए ।
संघका वर्तमान अध्यक्ष सुभाराज राईले प्रतियोगिताले हङकङमा रहेका नेपाली ब्याडमिन्टन प्रेमीहरुलाई एक जुट गराई स्वस्थ प्रतिस्पर्धा र मनोरञ्जन प्रदान गराउने तथा खेलाडीहरुको स्तर निर्धारण गर्न मद्दत पुर्याउने बताए ।
सन् २०११ मा स्थापित हङकङ नेप्लिज ब्याडमिन्टन संघमा झन्डै ९५ आजीवन सदस्य र १५० जती सकृय सदस्य रहेका छन भने वार्षिक लिग बाहेक अरु बिभिन्न एक दिवसीय खेलहरु पनि आयोजना गर्दै आएको छ।
