फिफा महिला विश्वकप : ८ लाख बढी टिकट बिक्री

काठमाडौं । फिफा महिला विश्वकप फुटबल -२०२३ अष्ट्रेलिया र न्युजिल्याण्डमा संयुक्त हुँदैछ ।

महिला विश्वकप आगामी जुलाई २० देखि अगस्ट २० सम्म हुनेछ ।

महिला विश्वकप सुरु हुन् अझै ५० दिन बाँकी छ । तर, टिकट बिक्री सुरु भईसकेको छ ।

अहिलेसम्ममा ८ लाख ५० हजार टिकट बिक्री भईसकेको फिफाले जनाएको छ ।

फिफाले महिला विश्वकपमा १.५ मिलियन टिकट बिक्री गर्ने योजना रहेको जनाएको छ ।

अष्ट्रेलियाको सिड्नी फुटबल स्टेडियममा उद्घाटन खेल हुनेछ । जसमा ४५ हजार ५०० दर्शक अटाउने छन् । 

'२०२३ महिला फुटबलका लागि ऐतिहासिक क्षण हुन गइरहेको छ,' फिफा महासचिव फात्मा समौराले भनेका छन् ।