धनगढी । धनगढीमा भएको पहिलो मुख्यमन्त्री राष्ट्रिय फेन्सिङ प्रतियोगितामा वागमती प्रदेशले एक स्वर्णसहित पाँच पदक जित्दै पहिलो हुन सफल भएको छ ।
धनगढी रंगशालामा कैलाली जिल्ला फेन्सिङ संघको आयोजनामा भएको प्रतियोगितामा वागमतीले एक स्वर्ण, दुई रजत र २ कास्य पदक जितेको हो । वागमती प्रदेशका लागि सेभर पुरुषतर्फ सिनियर खुला विधामा पायस योन्जनले स्वर्ण जितेका हुन् ।
यस्तै सेभर महिला तर्फ सिनियर खुला विधामा वागमतीका खेलाडी सोफीया चन्दले रजत जितेकी हुन् । सोही विधामा वागमतीकै गोमा आचार्यले कास्य जितिन् । इपी महिलातर्फ जुनियर २० बर्ष मुनीको फेन्सिङमा वागतमतीका अस्मीता घिसिङले रजत र सोफीया चन्दले नै कास्य हात पारेकी थिइन् । वागमतीले इपी पुरुषतर्फ जुनियर २० बर्ष मुनीको फेन्सिङमा भने कुनै पदक जित्न सकेन ।
विभागीय टोली सशस्त्र प्रहरी क्लवले एक स्वर्ण, एक रजत र दुई कास्यसहित चार पदक जित्यो । एपीएफ क्लवका लागि सेभर महिलाातर्फ सिनियर खुला विधामा सुपमाया घिसिङले स्वर्ण जितेकी हुन् । यस्तै सेभर पुरुषतर्फ सिनियर खुला विधामा एपीएफ क्लवका खेलाडी राजेन्द्र गजुरेलले रजत र खेमराज खत्रीले कास्य पदक जिते । सेभर महिलातर्फ सिनियर खुला विधामै एपीएफकी उर्मीला लामाले कास्य जितिन् ।
गण्डकी प्रदेशले एक स्वर्ण, एक रजत र एक कास्य जित्न सफल भयो । उसका खेलाडी कृपा गुरुङले इपी महिलातर्फ जुनियर २० बर्ष मुनीको फेन्सिङमा स्वर्ण जितेकी हुन् । गण्डकीले इपी पुरुषतर्फ जुनियर २० बर्ष मुनीको फेन्सिङमा यस्तै सचिन खत्रीले रजत र कुमार मल्लले कास्य पदक हात पारे ।
गण्डकी प्रदेशले एक स्वर्ण, एक रजत र एक कास्य जित्न सफल भयो । उसका खेलाडी कृपा गुरुङले इपी महिलातर्फ जुनियर २० बर्ष मुनीको फेन्सिङमा स्वर्ण जितेकी हुन् । गण्डकीले इपी पुरुषतर्फ जुनियर २० बर्ष मुनीको फेन्सिङमा यस्तै सचिन खत्रीले रजत र कुमार मल्लले कास्य पदक हात पारे ।
सुदूरपश्चिम प्रदेशले पनि एक स्वर्ण र दुई कास्य जित्यो । सुदूरपश्चिमका लागि इपी पुरुषतर्फ जुनियर २० बर्ष मुनीको फेन्सिङमा लक्ष्यजंग शाहीले स्वर्ण दिलाएका हुन् । सेभर पुरुषतर्फ सिनियर खुला फेन्सििङमा सुदूरपश्चिमका खेलाडी रबिन्द्र शाहले कास्य जिते । यस्तै इपी पुरुषतर्फ जुनियर २० बर्ष मुनीको फेन्सिङमा भरत देउवाले कास्य जिते ।
प्रतियोगितामा बागमती, कोशी, गण्डकी र सुदूरपश्चिमका गरी चार प्रदेशका ७७ खेलाडी सहभागि थिए । विभागीय टिम सशस्त्र प्रहरी पनि प्रतियोगितामा सहभागि थियो । ईपीमा २० बर्षमुनी उमेरका महिला र पुरुष दुवै विधामा खेल भएका थिए । यस्तै सेबरमा खुल्ला तर्फ महिला र पुरुष गरी दुबै विधामा खेल भएका थिए ।
सुदूरपश्चिम प्रदेशका आर्थिक मामिला तथा योजना मन्त्री नरेश शाहीले फाइनलमा खेलको अवलोकन गरेका थिए । उनले प्रदेश सरकारले बनाउने बजेटमा खेलकुदलाई प्राथमिता दिइने बताएका थिए । प्रदेश खेलकुद परिषद्का सदस्य सचिव दिपकबहादुर सिंहले सुदुरमा महत्वका साथ खेल र खेलाडीकाृ विकासमा लाग्ने प्रतिबद्धता जनाएका थिए ।
आयोजक फेन्सिङ संघका कैलाली अध्यक्ष जलेन्द्र शाहीले राष्ट्रिय स्तरको प्रतियोगिता गर्न प्रदेश सरकारले गरेको सहयोगका लागि धन्यवाद दिए । उनले खेलमा सहभागि हुन आउने सबैलाई बधाई तथा शुभकामना दिए ।
प्रतियोगिताका विभिन्न विधामा स्वर्ण जित्नेले नगद १५ हजार, रजत जित्नेले १० हजार र कास्य जित्ने खेलाडीले ५÷५ हजार पुरस्कार पाएका थिए ।
