काठमाडौं । दोस्रो संस्करणको अन्तर कलेज पेट्रियट्स कप टी-ट्वान्टी क्रिकेट प्रतियोगितालाई हन्ड्रेड स्पोर्ट्सले सहयोग गरेको छ ।
मुलपानी क्रिकेट मैदानमा शनिबारबाट सुरु हुने प्रतियोगितालाई हन्ड्रेड स्पोर्ट्सले सहयोग गरेको हो ।
शुक्रबार आयोजित एक कार्यक्रममा हन्ड्रेड स्पोर्ट्सका फाउन्डर रविन्द्र भाटीले आयोजकलाई क्रिकेट अम्पायरले लगाउने खेल पोशाक हस्तान्तर गरे ।
कार्यक्रममा बोल्दै डाइरेक्टर विकास खेतानले आगामी दिनमा अन्य खेलका खेलाडीहरुलाई समेत सहयोग गर्नुका साथै खेल संघहरुसँग सहकार्य गर्दै अघि बढ्ने हन्ड्रेड स्पोर्ट्सको लक्ष्य रहेको बताए ।
ललितपुर पेट्रियट्सको आयोजनामा हुने प्रतियोगितामा १२ कलेजको सहभागीता रहेको छ
प्रतियोगिताको बिजेता कलेजले १ लाख र उपबिजेता कलेजले ५० हजार नगद प्राप्त गर्नेछ ।
प्रतियोगिताको उत्कृष्ट खेलाडीले २५ हजार नगद प्राप्त गर्दा बेस्ट बलर तथा ब्याटरले जनही १५ हजार पाउने छ ।
-1732534788.jpg)
