काठमाडौं । हन्ड्रेड स्पोर्ट्सले नेपाली राष्ट्रिय महिला फुटबल टिमकी कप्तान एन्जिला तुम्बाप्पो सुब्बालाई ब्राण्ड एम्बास्डर बनाएको छ ।
बुुधबार अन्तराष्ट्रिय नारी दिवसको अवसर पारेर स्पोर्ट्स म्यानेजमेन्टको कम्पनी हन्ड्रेड स्पोर्टस म्यानेजमेन्ट प्रालीले राष्ट्रिय फुटबल टिमकी कप्तान समेत रहेकी एन्जिलालाई चार वर्षका लागि ब्राण्ड एम्बास्डर घोषणा गरेको हो ।
हन्ड्रेड स्पोर्टसका संस्थापक रबिन्द्र भाटी र एन्जिलाले औपचारिक एक कार्यक्रमका बीच सम्झौता पत्रमा हस्ताक्षर गरेका छन् । सम्झौता अनुसार हन्ड्रेड स्पोर्टसले चार वर्षका लागि एन्जिलालाई ब्राण्ड एम्बास्डर बनाएको हो ।
![No description available.](https://scontent.fktm6-1.fna.fbcdn.net/v/t1.15752-9/333490907_918070856047741_4951489750053285465_n.jpg?_nc_cat=111&ccb=1-7&_nc_sid=ae9488&_nc_eui2=AeEqDOBxdwsYMWbKxL8V-PNC3VaHdW8xqfHdVod1bzGp8Z379lIcAKmCKqh0rV9QQ__o6h1ER1g3xVm-A9WCF3gj&_nc_ohc=q2PpSYwxkcAAX_hMPEu&_nc_ht=scontent.fktm6-1.fna&oh=03_AdTNJF0fQvBixJ_Cc78SgQC46jIpsuCS6JqPOs23AKC20g&oe=642FF4CF)
सम्झौता अनुसार पहिलो वर्ष मासिक २० हजार, दोस्रो वर्ष मासिक ३० हजार, तेस्रो वर्ष मासिक ४० हजार र चौथो वर्ष मासिक ५० हजार रुपैयाँ रुपैयाँ हन्ड्रेड स्पोर्ट्सले एन्जिलालाई उपलब्ध गराउनेछ । साथै हन्ड्रेड स्पोर्टसले एन्जिलाको सबै प्रकारको कमर्सियल अधिकार समेत लिएको छ । सम्झौता अनुसार हन्ड्रेड स्पोर्टसले एन्जिलाको संसारभरी मार्केटिङको काम गर्नेछ ।
हन्ड्रेड स्पोर्टसका निर्देशक विकास खेतानले खेलकुदमा ब्यवसायीक र खेलाडीको क्षमता अभिवृद्धि गर्ने उद्धेश्यका साथ राष्ट्रिय फुटबल खेलाडी एन्जिलासँग सहकार्य गरिएको बताए ।
कप्तान एन्जिलाले आफुले प्राप्त गरेको अवसरमा विस्तारै अन्य खेलाडी समेत जोडिने विश्वास ब्यक्त गरिन् । खेलकुदमा ब्यवसायीकता ल्याउने उद्धेश्य सहित खेलाडीसँग कमर्सियल अधिकारका लागि चार वर्षका लागि भएको यसलाई पहिलो सम्झौता मानिएको छ ।
![No description available.](https://scontent.fktm6-1.fna.fbcdn.net/v/t1.15752-9/334894687_601913618075240_3629308002347102873_n.jpg?_nc_cat=108&ccb=1-7&_nc_sid=ae9488&_nc_eui2=AeHdKKYWrjWkpQODuPk7YEWIPeGIesFX77w94Yh6wVfvvOsKY4qxO3xrYalIX5bFTV2y1cv4b4BsPnCsGvJADyY5&_nc_ohc=YhsHfoWLfMkAX9HUxR-&_nc_ht=scontent.fktm6-1.fna&oh=03_AdTFyMIbNGxBWGYNOG3r35pNJUzgeSYZURVyAyZ1bN-Wnw&oe=642FFAA8)
कार्यक्रममा राष्ट्रिय फुटबल टिमका पूर्व कप्तान तथा प्रशिक्षक हरी खड्का, एन्फा वरिष्ठ उपाध्यक्ष विरबहादुर खड्का, एन्जिलाका अभिभावक प्रेमकुमार श्रेष्ठ, जिफन्टका अध्यक्ष बिनोद श्रेष्ठ सहितले खेलाडी एन्जिलालाई बधाई तथा शुभकामना दिएका थिए ।
कार्यक्रमलाई हन्ड्रेड स्पोर्ट्स टिमका उदय थापा, उदय अर्याल लगायतले समन्वय गरेका थिए ।
![](https://demo.khelpati.com/uploads/editor/2023-03-08/140520291viber_image_2023-03-08_19-33-02-107.jpg)