काठमाडौं । सहिद स्मारक 'ए' डिभिजन लिग अन्तर्गत मनाङ मस्र्याङ्दी र मछिन्द्र युथ क्लबले प्रतिस्पर्धा गरिरहेका छन् । ललितपुरको सातदोबाटोस्थित एन्फा कम्प्लेक्समा पहिलो हाफको खेल सकिदाँ दुवै टोलीले गोल गर्न सकेका छैनन् ।
मनाङले मुख्य खेलाडीले ओलावले अफिजलाई मैदान बाहिर राखेको छ । अघिल्लो खेलमा पहेलो कार्ड खाएका कारण क्लबले महत्वपुर्ण खेलका लागि उनलाई मैदान बाहिर राखिएको हो ।
खेलको २१ औ मिनेटमा मनाङले अग्रता बनाउने अवसर गुमायो । डोना थापाले मिलाएको पासमा अन्जन विष्टले प्रहार गरेको बल पोस्टको केही माथिबाट मात्र बाहिरिएको थियो ।
२९ औ मिनेटमा मछिन्द्रले अग्रता बनाउने अवसर गुमाएको थियो । अजित गुरुङको प्रहारमा मनाङका गोलकिपर बिशाल श्रेष्ठले उत्कृष्ट बचाउ गरेका थिए । मनाङले गोलका अवसर सिर्जना गरेपनि मुख्य खेलाडी डोना थापा, दिपक राई र कमल श्रेष्ठ गोल गर्न चुकिरहेका छन् ।
मनाङ आजको खेलमा जित हात पार्दै अंक तालिकामा स्पष्ट तीन अंकको अग्रता लिन चाहन्छ । उसको ६ खेलबाट १८ अंक छ ।
